صارفین کو معیاری اشیاء ہی فروخت کی جائیں، عظمت فردوس

صارفین کو معیاری اشیاء ہی فروخت کی جائیں، عظمت فردوس
ڈی سی کاؤنٹرز پر جاکر اشیاء کی دستیابی،معیار اور قیمتوں کو چیک کیابعض سٹالز سے غیر معیاری اشیاء اٹھوادیں
پرائس چیکنگ کا عمل روزانہ کی بنیاد پرجاری اور خلاف ورزی کرنے والے قانون کی سخت گرفت سے نہیں بچ سکیں گے
فیصل آباد(چیف رپورٹر)ڈپٹی چیف آفیسرمیونسپل کارپوریشن عظمت فردوس نے پرائس کنٹرول ایکٹ کے تحت پھلوں وسبزیوں اور کریانہ کی قیمتوں کو چیک کرنے کے لئے ریڑھی بازاروں سمیت مختلف علاقوں کے میگا مارٹس کا دورہ کیا اور ڈی سی کاؤنٹرز پر جاکر اشیاء کی دستیابی،معیار اور قیمتوں کو چیک کیا۔انہوں نے بعض سٹالز سے غیر معیاری اشیاء اٹھوادیں اور کہا کہ صارفین کو معیاری اشیاء ہی فروخت کی جائیں۔انہوں نے مختلف علاقوں کی مارکیٹوں وبازاروں کا دورہ کیااوراوورچارجنگ پر دکانداروں کو موقع پر ہی مختلف مالیت کے جرمانے کئے۔انہوں نے مصالحہ جات کی قیمتوں کو بھی چیک کیا اور دکانداروں کو اوورچارجنگ سے باز رہنے کی تاکید کی۔انہوں نے کہا کہ پرائس چیکنگ کا عمل روزانہ کی بنیاد پرجاری اور خلاف ورزی کرنے والے قانون کی سخت گرفت سے نہیں بچ سکیں گے۔انہوں نے دکانداروں کو ہدایت کی کہ وہ نرخنامے نمایاں جگہوں پر آویزاں اور مقررہ قیمتوں کے مطابق فروخت کو یقینی بنائیں ۔

About The Author

fakhrefaisalabad

See author's posts